عصام حمود

سأكسر قاعدة شبكة مدونات مدارات وحاكتب بالمصري مع إني جزايري
حاكتب تدوينة فضفة وفش غل:

وكمان حبة سياسة مايضرش..

ماكنتش عاوز أكتب حاجة عن قمة الغباء العربية اللي عقدوها البتوع اللي متسميين “حكام” ربنا يحكمحم في زورق بيغرق.. “قولوا آمين”..
آمين يا رب العالمين

اللي خلاني أكتب هو “إبراهيم عيسى لما لقيت مقطع الفيديو المضحك/المبكي على مدونة ماشي صح..
يعني هي صحيح قمة التناحة زي ما قالها.. يعني إنتم مغلبين دماغكم مع الناس دول ليه؟
عاوز أفهم..

يعني مين الغبي اللي لما فتح التلفزيون لقى القمة راح قاعد بيسمع النهيق- أكرمكم الله- بتاع الناس المجانين دول
يعني هو أكيد غبي.. وغبي وستين غبي.. ويمكن مجنون مين عارف؟
واللي افتكر ولو لثانية إنهم عاوزين يغيروا بيقى بيحلم
وابقى قابلني يا عم أبو سوسو

أنا عمري ما شفت حيطة اتحركت لوحدها.. الحيطة على قد علمي يلزمها حلين.. يا إما احنا نحركها بوسائل حديثة للغاية وبجهد جهيد نضحي بيه كلنا في سبيل “التغيير”..
يا إما نهدها -من الهد- ونبني واحدة تانية بساس جديد خالص..

وكل الكلام اللي تقال واللي ما تقالش واللي حايتقال “عبط في عبط في عبط”.. وكل اللمة والزيطة والزمبليطة دي تبقى لعب عيال.. ماحنا عارفين من الأول إيه النتايج.. العراق حايكل بعضوا اكتر وأكتر.. وفلسطين كمان حاتخد بوكس فعنيها.. والمناهج التربوية بتاعتنا حاتبقى زي وصفات الطبخ بتاعت أبلة نظيرة.. واسرائيل “كمان تطبيع في تطبيع”.. وإيران “العدو الغاشم الذي يجب أن نتحد ضده”.. وامريكا “السعي لتغيير صورتها في أعين العرب والمسلمين”..
و الاسلام “خير اللهم اجعلو خير”

يعني عيب علينا نعقد الست آمال على ناس زي البجم دول..
يا ناس عيب.. شكلنا بقى زي الـ …………. وبلاش أقول